Assemblée de Corse : un budget adopté et des motions votées à l'unanimité
(A redazzioni d'Alta Frequenza) - U bughjettu in più di a cullettività di Corsica hè statu prisintatu è aduttatu. U gruppu Femu a Corsica hà vutatu contru, mentri chì Paul-Félix Benedetti, Corsica Libera è Rassembler pour la Corse ùn si sò micca prunuziati. Pà ciò chi tocca à l'ambiu, a cunsultazioni istituziunali nant'à i scopi ambientali è a difinizioni di u bon statu eculogicu ind'u quadru di u Pianu d'azzioni pà u mezu marinu di u Mediterraniu hè stata aduttata à l'unanimità. Unanimità dinò pà a muzioni posta da Camille de Rocca Serra, Nathalie Ruggieri è u gruppu Rassembler pour la Corse, rilativa à l'intardizzioni di qualsiasi ricerca di splurazioni ind'u Mediterraniu uccidintali è più particularmenti nant'à u situ di u golfu di Portu. Infini votu à l'unanimità pà a muzioni posta da Josette Risterucci à nomi di u gruppu Communistes et Citoyens du Front de Gauche, rilativa à i risposti in attesa à u Ministeru di a Saluta nant'à a situazioni in issa materia in Luri.
Sur le même sujet
