Assemblée de Corse : les organisations de défense des prisonniers réclament une solution politique à l'Assemblée
Undici urganisazioni di difesa di i prighjuneri sò intruti ghjovi in l’assemblea di Corsica, à l’attaccà di a sissioni, par dumandà una vera suluzioni pà i prighjuneri pulitichi corsi.
Dopu à un beddu pidda para, Camille Martelli, à nomu di l’urganisazioni, hà dittu « chì a circa d’una isciuta di crisa è u seguitu di i niguziati ùn si poni cuncipì s’idda si scanta a quistioni lli prighjuneri ».
U cullittivu d’urganisazioni hà dumandatu à l’eletti di l’assemblea « d’ingagià si à dumandà unu scontru, toccu nuvembri, trà l’alti riprisintenti llu statu francesu è a diligazioni corsa, in prisenza di i riprisintenti d’associ è urganisazioni di difesa di i prighjuneri.
Infini, l’undici urganisazioni dumandani à a CdC è à i so eletti d’ingagià si à suspenda i niguziati, s’idd’ùn ni veni attu forti da a parti llu statu pà a libarazioni di i prighjuneri.
A cunfarenza di i prisidenti hè oramai in riunioni.
Devi dicida s’idda prisenta o micca a muzioni di l’urganisazioni.
L’eletti, d’altrondi, devini scuntrà l’undici urganisazioni innanzi di ripiddà a sissioni.
A sissioni di l’assemblea hè sempri suspesa par avali.
