Le Direct

Assemblée de Corse : Les discussions avec Paris au cœur des débats

« Vi seti pigliatu una mustacciata da un ministru » : eccu ciò ch’iddu hà dittu Jean-Martin Mondoloni à Gilles Simeoni ghjovi, mentri i quistioni urali à l’Assemblea di Corsica, parlendu li di u dialugu è u prucessu avviati cù u statu francesu.

Pà Jean-Martin Mondoloni, « à issu liveddu d’invernazioni », i cundizioni di unu scontru incù parigi ùn sò stati criati.
Eppuri, hà dittu l’elettu, « chì no’ ùn inventimi po’un’usina à gasu » !
Steti à senta à Jean-Martin Mondoloni.

 

Hà rispostu, Gilles Simeoni, ch’idd’ùn li si pò rimpruvarà d’aspittà. U prisidenti esecutivu hà dittu ch’iddu aspittaia « parolli è atti ».

S’aspettani atti chì mandariani missaghja altri chè quiddi in leia cù a riprissioni o i prucissati contru à anziani prighjuneri, cù u FIJAIT o cù l’appuntamenti ghjudiziarii à vena.

Steti lu à senta.