Le Direct

Assemblée de Corse : la programmation pluriannuelle de l'énergie en Corse au centre des débats

Via un raportu chì certi ani dittu storicu, masimu in a maiurità, l’esecutivu lla Corsica hà sviluppatu a so prugramazioni plurianninca pà l’energia : l’ambizioni n’hè l’autunumia energetica in u 2050, astradendu la cù ughjittivi più vicini toccu u 2028.

Pà issu 2028, l’esecutivu faci a scumissa d’un mischiu energeticu rinuvatoghju à 74 %, fendu viaghjà cù i biocarburanti a cintrali di Lucciana è quidda à vena di u Ricantu. Hè ancu privista una piazza pà u fotovoltaicu o d’altri energii rinuvatoghji, com’è l’idrugenu.
Ma u dibattitu in ghjiru à issa prugramazioni ci hè.

Jean-Michel Savelli, di u gruppu « Un Soffiu Novu », dici chì l’esecutivu l’hà suttivalutati i bisogna à vena di a Corsica, à curtu è à mediu andà. Inditta un parcu di i vitturi chì hà da essa guasgi à 100 % elettricu in u 2035.
Steti à senta à Jean-Michel Savelli.

 

Paul-Félix Benedetti, u capifila di « Cori in Fronti », hà fattu valè a so spirienza di l’idraulicu pà incuraghjì l’esecutivu à avvià studii novi, da sapè s’iddi si poni fà novi matrali idroelettrichi, chì a so parti a pudariani arricà.

Una di i dibulezzi d’issu PPE, à senta lu, tocca à l’utilisazioni di u colzà da biocarburanti : u so binifiziu eculogicu è ecunomicu ùn saria quiddu spostu in u raportu.

Steti à senta à Paul-Félix Benedetti

 

A nomu di Corsica Libara, Josepha Giacometti hè stata ancu più critica : cù issa prugramazioni, a Corsica pudaria forsa essa menu dipindenti energeticamenti, ma autunuma, mancu à pinsà la !
Steti la à senta.

 

Julien Paolini, u prisidenti di l’AUE è cunsiglieri esecutivu, hà difesu issu raportu, dindu ch’iddu si teni una pusizioni d’equilibriu è di cuirenza, cù l’invistimenti anninchi chì ani da passà da 7,5 à 45 miliona d’auri.

Steti à senta à Julien Paolini.