Assemblée de Corse : Gilles Simeoni appelle les élus à se mettre en mode combat face au Coronavirus et ses conséquences
Hè stata un pocu spiciali a riunioni di l’assemblea di Corsica d’issu vennari. Parvia di u coronavirus, 23 di i 63 eletti erani prisenti, in visiocunfarenza, l’esecutivu issendu riprisintatu da Gilles Simeoni, u so prisidenti.
Malgradu issa manera nova di fà, i raporti sò stati prisintati, è i dibattiti ci sò stati.
Gilles Simeoni hà prisintatu u raportu « Vincia contru à u Covid19 », chì hè una sunta di i misuri missi in anda, masimu par ciò chì tocca à i cumandi di mascari è di liquidu idroalcolicu. Si hè parlatu dinò di a parti ecunomica d’iss’azzioni : 30 miliona d’auri sò aghjà stati mubilizati da a CDC, è si hà da andà più luntanu, à senta u prisidenti di l’esescutivu.
Gilles Simeoni hà dumandatu à l’eletti corsi di mubilizà si di pettu à i cunsiquenzi d’iss’epidemia, pricisendu c’idd’ùn si n’era chè à i primi mumenta lla lutta.
U raportu hè statu vutatu da 45 parsoni. 18 eletti ùn ani participatu à u votu : quiddi di Pà l’Avvena, Andà par Dumani, è dui di l’eletti di « La Corse dans la République ».
Stemu à senta à Gilles Simeoni.
