Assemblée de Corse : Clause de conscience et droit à l'éducation au cœur des débats

Sissioni strasurdinaria di l'Assemblea di Corsica vennari : pà a prima volta dipoi u cunfinamentu, una parti lli cunsiglieri hè vultata, fisicamenti, supr’à locu.
Dopu à l’annunciu fattu da u prisidenti lla ripublica francesa, chì privedi u ritornu ublicatoriu à a scola u 22 di ghjunghju, l’Assemblea si hè riunita in urgenza.
Ramintemu chì a CdC, prupriitaria lli stabilimenta llu sicondu gradu, avia dicisu d’ùn metta li à dispusizioni di l’elevi, chì i cundizioni d’una sicurità sanitaria ùn ci erani, pà un’apartura senza risichi.
Arimani, a maiurità hà prisintatu un raportu, chì pidda nota di a dicisioni prisidinziali francesa.
Par idda, a riintruta ufficiali sarà quidda di sittembri. Ma hà quantunca dicisu, in un cuntestu sanitariu chì pari più chietu, di permetta issa riintruta anticipata.
« Ci voli à essa chjari, ùn sarà micca una riintruta, u 22 di ghjunghju : sarà un neci ! » hà dittu cù forza Josepha Giacometti.
U dibattitu, fatta fini, hè statu quiddu lla dicisioni prima lla maiurità tarrituriali chì par Jean-Martin Mondoloni, hè andata da culandi bè à i so dritti.

« Avemu presu dicisioni par pruteghja i corsi, in u mentri chì u statu ùn facia chè sbuciardà si », l’hà rispostu Romain Colonna, chì no’ stemu à senta.

À nomu sempri di l’uppusizioni, è di u gruppu « Andà par Dumani », Jean-Charles Orsucci hà rimpruvaratu à a maiurità d’avè sceltu di mandà i ziteddi à u mari o in caffè, inveci di mandà li à a scola o à u culleghju.

Steti lu à senta.

Pierre Poli, u prisidenti llu gruppu PNC, hà dittu ch’idd’erani un veru scandalu, issi parolli.
Hà ramintatu quant’idd’era discriminatoria issa dicisioni llu statu francesu chì, sinu à u 22 di ghjunghju, prupunia un ritornu in iscola arrimbendu si à u vulintariatu.

Steti lu à senta.

In quantu à Gilles Simeoni, hà dittu ch’idd’era affari di cuscenza. « U puntu maestru, chì no’ avemu avviatu in a crisa llu COVID, era di pruvà à fà i scelti i meddu pà a saluta di i Corsi. Senza perda di vista u principu fundamintali llu drittu à l'educazioni, avemu cunsidaratu ch’idd’era piriculosa di fà rientra i ziteddi in iscola ».

Steti à senta u prisidenti llu Cunsigliu Esecutivu