Assemblée constitutive de Femu ce dimanche à Corte
(A ridazzioni d'Alta Frequenza) - Duminica, in Corti, hè ora d’Assemblea ghjinirali pà Femu a Corsica. Com’idd’hè stata aghjà ditta è annunciata, ùn ci sarà u PNC. S’ani da riuniscia i militanti à parta si da 1 ora. Jean-Félix Acquaviva si duvaria prisintà da sicritariu ghjinirali. In a so dichjarazioni di candidatura, dici ch’iddu ci voli ch’idda sichi, iss’Assemblea ghjinirali, « u puntu di partenza, da arradicà issu novu ardignu in a sucità corsa, in i so tarritoria, u so populu, a so ghjuventù, da arradicà l’idea muderna d’un populu corsu cumunità di cultura è distinu, maestru di i so scelti, ma dinò l’idea d’un Statutu d’Autunumia da avvià u spannamentu lla noscia isula in u Tarraniu ». Riparlaremu d’issu sughjettu in d’altri edizioni
Sur le même sujet
