Assassinats et tentatives d'assassinat en Corse : deux morts et quatre blessés aujourd'hui
Assassinats et tentatives d'assassinat en Corse : deux morts et quatre blessés
(A redazzioni d'Alta Frequenza) - A viulenza hà francatu un certu passu oghji (marti) in Corsica, da u nordu à u meziornu, è micca appinuccia. À u tutali, quattru assassinii o provi d'assassinii sò accaduti nant'à a nostra isula, fendu dui morti è quattru feriti, cù frà altru una zitella di deci anni. A ghjurnata nera hà cuminciatu in Corsica Suprana, in principiu di dopu meziornu, ind'u paisucciu di Casalta, in Castagniccia, duva un omu di 45 anni, Ange Petrucci, hè statu feritu di modu murtali da palli. Calchì ora dopu, in Corsica Suttana, in Prupià, hè un antru omu, è un antru intraprenadori, Faycal Abakoui, chì hè statu tombu avinuta Napuliò. U procuratori di a Republica d'Aiacciu s'hè tandu resu à lestra sopralocu. Ma a polvara s'hè risintuta dinò in Aiacciu, cù dui provi d'assassinii, fendu quattru feriti. Versu 6 ori è 45 prima, inde l'altu Aiacciu, un omu,Yves Manunta, ma dinò a so moghja è a so fighjola sò stati attaccati da unu o parechji tiradori. Tutti è trè sò stati feriti. Un'ora dopu, hè ind'u carrughju di u Borgu chì un omu hè statu feritu da palli. Iss'ultimu hè toccu di modu gravi à u corpu.
Sur le même sujet
