Assassinat de Me Antoine Sollacaro : début de l'enquête
(A redazzioni d'Alta Frequenza) - Sei impatti di balli rilevati nant’à a vittima, 9 in tuttu nant’à a scena di u crimini, a prisenza di una motò cù dui parsoni nantu è un tiradori chì avaria utilizatu un’arma di calibru 11.43 : eccu i fatti inghjiru à l’assassiniu d’Antoine Sollacaro arimani (marti) in Aiacciu. Rammintemi chì l’avucatu ben cunnisciutu, ecchisi raprisintanti di l’ordini di l’avucati, hè statu tombu ind’una stazioni serviziu di a strada di i Sanguinarii, mentri ch’ellu vinia, com’è ogni mani, di cumprà u so ghjurnali, è ch’ellu rismarrava a so vittura. I fatti sò accaduti versu 9 ori è 15 è sariani stati filmati da i camerà di survighjenza di a stazioni serviziu. Hè a JIRS di Marseghja chì hà presu u cartulari in manu. A ghjuridizzioni spicializata ùn schisa nisun ipotesi. L’autopsia di Me Sollacaro duvaria essa praticata oghji. Arisera, u ministeru publicu d'Aiacciu facia quantunqua una cumunicazioni nant'à i fatti.
Écoutez le procureur de la République d’Ajaccio, Xavier Bonhomme.
