Assassinat de Jean Christophe Mocchi : les précisions du procureur d'Ajaccio
Eccu ciò ch’iddu si sà par avali di l’assassiniu di Jean-Christophe Mocchi, successu vennari à sera in Prupià.
Via un cumunicatu, dici u prucuratori d’Aiacciu chì « ottu stucci di badda sò stati trovi à manca di u caffè, è trè stucci è una piccula munizioni à dritta.
I stucci erani di calibru 300 winchester. A porta in vetru llu caffè, fatta à dui aletti, hè stata tocca parichji volti da i baddi ».
Jean-Christophe Mocchi pusaia in tarrazza di u Manatthan, cù u patronu llu stabilimentu è un’altra parsona.
A sizzioni di i ricirchi d’Aiacciu hà presu in carica a inchiesta aparta à mutivu d’assassiniu.
A pracura hà ramintatu ch’idd’aviani pruvatu à piccià u so magazenu Gedimat in Sartè, di ghjunghju llu 2021. U stessu mesi, a so agenza immubiliara di Prupià era stata tocca da tiri d’arma à focu.
L’ottu d’uttrovi di u 2021, c’era stata aghjà una prova di micidiu – à u fucili di caccia - contr’ad iddu , mentri ch’iddu si ni riintria in casa soia in motò,
« I invistigazioni ani da curra par tutta a duminicata, da stà à senta tutti i vittimi, fà i prilivamenti nicissarii à a pulizza tecnica è scintifica, è sfruttà i primi rinsignamenta, da circà à cunnoscia l’identità di i parsoni chì ani tiratu », hà dittu in chjudenda u prucuratori d’Aiacciu.
Sur le même sujet
