Assassinat d'Yvan Colonna : l'état propose une indemnisation de 200 000 euros à sa famille
200 000 € : eccu l’indannità ch’iddu hà prupostu u statu à a famidda d’Yvan Colonna, dopu ch’iddu sichi statu assassinatu in prighjoni.
« Par avali, ci hè issa pruposta, è ùn hè chè una parti lla famidda ad avè la accittata. I cosi ùn sò ancu stabiliti di manera chjara », hà dittu Patrick Spinosi à l’AFP.
D’aprili, sicondu sempri à l’AFP, l’avucatu di a famidda Colonna avia spostu un ricursu amministrativu contru à u statu, dumandendu una indannisazioni à u civili d’un milionu d’auri.
S’idda fussi accittata issa pruposta – par avali ùn si ni parla – u cartulari ùn passaria in tribunali amministrativu.
Eppuri, via u codici pinitinzariu, hè quantunca ricunnisciuta a rispunsabilità di u statu in iss’affari, dici Patrick Spinosi.
Via a legi di nuvembri llu 2009, u statu hè sistimaticamenti « tinutu di rimpattà u dannu di a morti d’una parsona imprighjunata, successa parvia di viulenzi fatti da un altru prighjuneri in unu stabilimentu pinitinziariu », spieca l’avucatu.