Arrêté SC Bastia - Lens : Gilles Simeoni adresse un carton rouge au ministère de l'Intérieur
(A redazzioni d'Alta Frequenza) - Riazzioni nova dopu à l'arrestu ministiriali presu da u ministru di l'Internu Bernard Cazeneuve chì pruibisci u spiazzamentu in Bastia di i sustenidori di Lens ssu sabbatu, u ministru ghjudichendu par asempiu chì "i sustenidori di u SC Bastia t'ani ogni volta un cumpurtamentu viulenti, qualessa sia a squadra in faccia". Stavolta, hè u merri di Bastia, Gilles Simeoni, chì riasgisci à ss'arrestu quì, mandendu una "carta rossa" à u ministeru di l'Internu. Pà u merri di Bastia, "a so prisintazioni caricaturali di i sustenidori di u Sporting hè falsa è eccessiva. Veiculeghja stereotipi è maghjini negativi falsi chì facini pinsà à u razzisimu urdinariu contr'à i corsi. A mutivazioni di l'arrestu hè inghjusta, micca fundata, ed hè un'insulta. Devi essa dunqua cacciata à u nivellu ghjuridicu u più prestu pussibuli da l'autorità à l'urighjini di a dicisioni, ed hè impussibuli d'imaghjinà chì quissa quì pudissi tularà una redazzioni simuli".
Sur le même sujet
