Arrêté anti-burkini de Sisco : le tribunal administratif rejette la requête en suspension
(A redazzioni d'Alta Frequenza) - Ssu marti dopu meziornu, u tribunali amministrativu di Bastia asaminava a dumanda in suspensioni suvitata da una dumanda in annulazioni posta in urghjenza da a Liga di i Diritti di l'Omu dopu à l'arrestatu anti burkini presu u 16 d'aostu da u merri di Siscu, Ange Pierre Vivoni, è u so cunsighju municipali, arrestatu chì vali fin'è u 30 di sittembri. È s'è fin'è tandu, l'arrestati anti burkini erani stati suspesi o annulati inde casi simuli in cuntinenti, u tribunali amministrativu di Bastia hà righjittatu pà contu soiu a dumanda di a Liga di i Diritti di l'Omu, parmittendu à l'arrestatu di firmà in appiecazioni. U ghjudici faci sapè "ch'ellu ùn apparteni micca à u merri d'arrimbassi à altri cunsiderazioni, è i restrizzioni ch'ellu arreca à i libertà devini essa ghjustificati da i risichi dimustrati di prublemi pà l'ordini publicu". U ghjudici "hà cunsidaratu malgradu tuttu chì quì, di pettu à l'evenimenti ricenti di u 13 d'aostu di u 2016, di u so impattu è di pettu à l'emuzioni sempri prisenti, a prisenza nant'à una piaghja di Siscu d'una donna purtendu un custumu di bagnu di a natura di quilli cuncirnati da l'arrestatu di u 16 d'aostu di u 2016 saria ind'i circustanzi particulari di u gennaru di natura à inghjinnà risichi dimustrati di prublemi pà l'ordini publicu ch'ellu apparteni à u merri di privena."
Steti à senta à Ange Pierre Vivoni, u merri di Siscu.
