Appel contre les assassinats et la loi de la jungle : l'avis d'Ange-Pierre Vivoni
(A redazzioni d'Alta Frequenza) - Una bella parti di i parsoni chì ani firmatu a chjama contr'à l'assassinii è a legi ditta di a "jungle" hà tinutu una cunfarenza di stampa in Bastia pà prisintà l'appuntamenti à vena di ciò chì sarà da quì à pocu un cullettivu di una bona sissatina di parsoni di a sucità civili cù nomi chì sarani dati da quì à calchì ghjornu. Dopu à una riunioni publica di ghjunghju, ci ni sarà un'antra u 21 di sittembri u dopu meziornu, sempri à l'Università di Corsica, pà dibatta nant'à sei punti. À mezu à ss'ondeci parsoni c'hè Ange Pierre Vivoni, u merri di Siscu è presidenti di l'associu di i merri di Corsica Suprana, merri chì vedini certi di i so abitanti tombi, o ancu un altru merri. Un merri vicinu à a so pupulazioni chì t'hà l'impressioni certi volti di veda ind'a so ghjenti una forma di fatalisimu, o in tutti i casi un'assenza di vera mossa cumuna pà luttà contr'à ssa viulenza.
On écoute Ange-Pierre Vivoni.
