Annulation du PLU d'Ajaccio : François Casasoprana veut élever le débat politique
(A redazzioni d'Alta Frequenza) - Annulazioni di u PLU d'Aiacciu : ch'ellu vincessi u spiritu di rispunsabilità ! Eccu u titulu più cà chjaru di u ducumentu datu à a stampa dopu meziornu (marcuri) da François Casasoprana è i so cumpagni di lista. François Casasoprana, anzianu aghjuntu di u merri d'Aiacciu, è in campagna eletturali com'è tuttu u mondu a sà, hà vulsutu vultà annant'à un sughjettu di tinsioni in ssu mumentu. Senza amintà torna i liti attuali di u picculu mondu puliticu annant'à i raghjoni pricisi di ss'annulazioni, François Casasoprana hà vulsutu alzà u nivellu di u dibattitu. I picculi bisbigli, i missi in accusazioni, i prumessi i più demagogichi toccani di una manera assai pessima u dibattitu puliticu. Pensa chì i pussibilità d'annulazioni di a dicisioni di u tribunali amministrativu sò assai minimi, è ch'ellu ci vularà piuttostu, una volta ch'ella sarà stallata a municipalità nova, à cunsidarà torna di manera tutali a quistioni. Comu ?
Steti à senta à François Casasoprana.
Sur le même sujet
