Le Direct

Alerte Orange au Vent en Corse du Sud

(A ridazzioni d'Alta Frequenza) - Da duminica à 10 ori di sera, è sinu à luni à 4 ori llu dopu meziornu, u Pumonti hè missu in vighjulanza arancina parvia di u risicu di ventu. Dici Meteo France ch’iddu si hè aghjà pisatu, duminica in dopu meziornu, u ventu à Liventi, è chì certi buffulati toccani i 110 chm à l’ora in Bucugnanu, i 80 in Quenza è Ficari, i 60 à 70 in Sampolu. Issu ventu, chì tira à buffulati, hà da piddà forza duminica à sera, par ghjunghja à tuccà i 110 o 130 chm à l’ora à punenti llu Pumonti, versu Sartè è Ficari, in i cristi, i vaddi è u bor’di mari à punenti, versu u Vaddincu. Tocca à ugnunu à fà à veru attinzioni. U ventu duvaria calà da luni dopu mezironu à luni à sera.