Alerte Orange au vent : ce qu'il faut savoir sur les annulations et les reports dans les transports maritimes et aériens
Parvia di i buffulati di vintulionu chì avvinghjini a Corsica, missa in vighjulanza arancina, sò parichji i voli annullati in l’aeruporti isulani.
In Aiacciu, ùn si farani issi partenzi versu :
Lyon 2 ori menu 10
Orly 3 ori è 20
Marseglia 4 ori menu 5
Nizza 5 ori menu 25
Orly 7 ori è cinqui a sera
Nè mancu ghjunghjarani l’avviò da :
Marseglia, à 6 ori è vinti lla sera
Nizza, à 7 ori menu deci lla sera
Orly, à 7 ori è vinti lla sera
Liò, à 9 ori è 20 lla sera
Orly, à 11 ori è 25 lla sera.
In Bastia, sò suspesi tutti i ghjunti è i partenzi. S’aspetta cunfirma di l’annullazioni llu volu Volotea di Nantes, di sta sera.
In Ficari, sò stati suspesi i ghjunti di Liò, Marseglia è Orly, è i partenzi versu Orly, Liò, Nizza è Marseglia.
In Calvi, ùn ni ghjunghjarà avviò da Nizza, Orly è Marseglia, è mancu ùn ni partarà versu Marseglia o parigi.
In quant’à u trasportu marittimu, eccu li, i cambiamenta :
Vennari u 25 di sittembri :
>Aiacciu – Marseglia, navi Vizzavona : a partenza hè avanzata à 10 ori di mani, inveci di 7 ori di sera. Bisogn’à prisintà si à u portu à 8 ori. A ghjunta hè privista in Marseglia u 26 à 8 ori menu un quartu a matina.
>Bastia – Marseglia, navi A Nepita : a partenza hè avanzata à 4 ori llu dopu meziornu, inveci di 6 ori è mezu. Bisogn’à prisintà si in portu à 3 ori. A ghjunta hè privista pà u 26, à 7 ori è mezu lla mani.
> Marseglia - Aiacciu navi Jean Nicoli : a partenza hè attimpata à sabbatu u 26, à 5 ori di sera. Bisogn’à prisintà si in portu à 3 ori, a ghjunta issendu privista in Aiacciu par duminica u 27, à 6 ori di mani.
Sabbatu u 26 di sittembri :
> Aiacciu – Marseglia, navi Jean Nicoli : a partenza hè attimpata à duminica u 27, à 9 ori di mani. Bisogn’à prisintà si in portu à 7 ori è mezu, a ghjunta issendu privista u ghjornu stessu, à 7 ori di sera, in Marseglia.
Sur le même sujet
