Ajaccio, une des premières étapes du Front National pour sa tournée de la refondation
(A redazzioni d'Alta Frequenza) - Franck Allisio, vici presidenti di u gruppu Front National inde u cunsighju regiunali PACA, era in Corsica ssa dumenicata. U cunsighjeru regiunali raprisintava à Marine Le Pen, pà u « ghjiru di a rifundazioni » di u partitu. Aiacciu, a prima tappa d’una vintina di spiazzamenti pà Franck Allisio, inde a perspettiva di scuntrà frà altru l’aderenti di u FN. A Corsica, una tarra chì hà rigalatu à Marine Le Pen unu di i risultati i più alti à l’ultima prisidinziali, ma induva duranti i tarrituriali di dicembri, ssu listessu partitu hà cunnisciutu un fiascu tamantu. Pà Franck Allisio, l’alittori chì ani vutatu pà i naziunalisti à i tarrituriali sò i listessi chì ani sceltu à Marine Le Pen pà i prisidinziali. Un eletturatu naziunalistu chì sparti d’appressu à ellu l’idei di u FN, à u cuntrariu di i dirighjenti di a Cullittività di Corsica nova. Bisognu à fà un travaghju in ssu sensu dunqua pà cambià a tindenza.
Steti à senta à Franck Allisio.
