Ajaccio : le nouveau conseil municipal ne veut plus perdre de temps
(A redazzioni d'Alta Frequenza) - Calchì ghjornu dopu à essasi stallatu di manera ufficiali in Casa Cumuna, u novu merri d’Aiacciu, Laurent Marcangeli, hà adunitu ssu luni u cunsighju municipali. Una sissantina di deliberazioni hè stata asaminata, cuncirnendu par asempiu a ripartizioni di l’eletti inde sfarenti cumissioni o inde urganisimi fora di a Cità d’Aiacciu. Un’infurmazioni hè stata data dinò annant’à u Pianu Lucali d’Urbanisimu, annulatu di dicembri scorsu da u Tribunali Amministrativu di Bastia. Ancu s’ellu s’aspetta a dicisioni di a Corti Amministrativa d’appellu di Marseghja annant’à l’attimpera à esecuzioni di l’annulazioni, Laurent Marcangeli hà fattu sapè chì a Cità hè pronta oramai pà lancià una chjama à l’ufferta da fà chì un urganisimu di fora pudissi ghjunghja à travaghjà à fiancu à ella pà pudè rifà a prucedura è parta torna annant’à basi novi pà ciò chì tocca u PLU, o ancu accuncià u Pianu d’Occupazioni di a Tarra di u 1999 s’ellu hè nicissariu. Un cunsighju municipali novu com’è a « ripresa di un travaghju chì devi essa sustinutu », hà dittu u prima magistratu di a cumuna, parchì s’hè persu troppu tempu d’appressu à ellu.
Steti à senta à Laurent Marcangeli.
