Aiacciu Cità Nova: Asprettu doit être restitué aux ajacciens !
(A redazzioni d'Alta Frequenza) - Asprettu devi essa resu à l’aiaccini ! A lista Aiacciu Cità Nova, candidata à i municipali ind’a Cità Impiriali, era mubilizata stamani (vennari) inghjiru à ssa rivindicazioni. « I 17 ettari occupati da a basa aeronavali sò strategichi pà u sviluppu di a cità » ani dittu José Filippi è i so cumpagni di lista. Aiacciu Cità Nova rammenta chì « ind’u quadru di l’accordi di Matignon, a CTC t’avia a pussibilità d’acquistà in priurità bè chì appartiniani à u Statu par un intaressu sopra cumunali cuncretu ». Una dispusizioni chì hè stata annulata da a legi Borloo, ma chì hà parmissu quantunqua à «a cità di Calvi di ripighjà i forti Charley è Maillebois » è pocu fà a caserna Montlaur in Bunifaziu. Apparteni dunqua à i corsi d’ammaistrà ssu spaziu fundariu dicini i candidati chì ci vulariani stallà alloghji, arnesi spurtivi o un spaziu turisticu, storicu è culturali.
Steti à senta à José Filippi, u numaru unu di a lista Aiacciu Cità Nova.
Sur le même sujet
