Affaire Reims - Bastia : le procès en appel de sept supporters renvoyé
(A redazzioni d'Alta Frequenza) - Surpresa nova in u quadru di l’affari di l’evenimenti accaduti dopu a partita trà Reims è Bastia in carrughju di u centru di a cità di Reims. In fatti, u prucessu in appellu di setti sustenidori bastiacci, dopu a so cundanna in un prima tempu à amendi pà affrontu è ribellioni contr’à i forzi di l’ordini, davanti a Corti d’Appellu di Reims, hè andatu à l’accorta ssu ghjovi dopu meziornu. A raghjoni : l’impussibilità di fighjulà i maghjini di videò survighjenza di l’azzuffi in centru cità, bluccati da un password impussibuli à ritruvà. Maghjini impurtantissimi pà a difesa di i sustenidori bastiacci, chì hà dumandatu è uttenutu u rinviu, chì si tinarà u 16 di farraghju. Un tempu chì parmittarà forsa di ritruvà ssu famosu password è di pudè fighjulà i maghjini in tempu è ora.
Sur le même sujet
