Le Direct

Affaire Pantaloni-FC Tours : Alain Orsoni et Jean-Marc Ettori se sont parlés

(A redazzioni d'Alta Frequenza) - Si duvaria cunnoscia l'identità di u novu intrenori di l'AC Aiacciu ind'a sittimana. Si sà chì l'ACA cerca l'omu chì ci voli, quillu chì saria capaci di stabilizà a casa rossa è bianca. Si sà dinò chì Alanu Orsoni hè intarissatu da u prufilu d'Olivier Pantaloni. Anzianu ghjucadori è anzianu intrenori, ss'ultimu cunnosci bè ssa casa quì ed hè statu l'artisgianu di a cullata in liga 1 in u 2011 cù l'ACA. Prublema : s'è Olivier Pantaloni hà demissiunatu di u so postu d'intrenori di u Tours FC, ss'ultimu ùn hè micca libaru malgradu tuttu. Un prublema trà u coach è u so presidenti Jean Marc Ettori blocca par avà i neguziazioni. Alanu Orsoni hà chjamatu à Jean Marc Ettori, u presidenti purtivichjacciu di Tours pà pudè arragnà l'affari è renda più chjari i cosi : l'ACA ùn hè micca rispunsevuli di u divorziu trà Olivier Pantaloni è u club di Tours. A prova, u club aiaccinu circava dighjà un intrenori nanzi à a demissioni d'Olivier Pantaloni. Ma, u prufilu di ss'ultimu intarissaria l'ACA, inde l'ipotesi ch'ellu saria libaru. Ma par avà, ùn hè micca u casu.

Steti à senta à Alanu Orsoni.