Affaire du Café Riche : procès renvoyé au 13 juin
(A redazzioni d'Alta Frequenza) - Ssu ghjovi, u tribunali currizziunali di Bastia trattava l'affari dittu di u Café Riche induva Pierre Marie Geronimi, u presidenti attuali di u Sporting Club di Bastia, devi passà davanti a ghjustizia par abusu di bè suciali, è u patronu di u Café Riche in Bastia, Charles Filippi, par avè piattu un abusu di bè suciali. Un affari induva Pierre Marie Geronimi hè suspittatu d'avè arrigulatu parechji centunai di millai d'auri di debbiti di scumessi nant'à cavalli cù i soldi di l'intrapresa di lucazioni di vitturi chì era a soia à l'epica di i fatti trà u 2010 è u 2014. Pà ciò chì tocca à Charles Filippi, hè suspittatu d'avè incasciatu 225 000 auri di scecchi ghjunghjendu da ssa sucità di lucazioni di vitturi. À a dumanda di l'avucati di i privenuti, ssu prucessu, chì ùn cuncerna mancu appena u SC Bastia, hè statu rimandatu à u 13 di ghjunghju à 2 ori.
