Le Direct

Affaire dite du bac 2008 : collectif de soutien à Jean-François Derderian

(A redazzioni d’Alta Frequenza) - U Cullettivu di sustegnu à Jean-François Derderian s’hè torna una volta adunitu arimani (marcuri) in Corti. Rammintemi chì iss’insignanti di matematica hè statu cundannatu à 3 000€ d’amenda inde l’affari dittu di u bascigliè 2008. Ciò chì a ghjustizia hà cunsidaratu com’è una frauda, raprisintava solu pà ellu una simplici armunisazioni di i noti. Jean-François Derderian hà dicisu di fà appellu di issa cundanna. In issu mentri, un sustegnu s’hè urganizatu, da a parti di numarosi culleghi. Azzioni à parechji sarani pussibuli com’è l’assenza di rimarchi nant’à i bligliettini di i sculari à u sicondu simestru o altri azzioni chì ani da essa studiati. Si sà par asempiu chì una manifestazioni si tinarà in Corti, da quì à a riintrata di i vancanzi di farraghju.