Affaire des commerçants ajacciens agressés : l'appel au calme de la partie civile
(A redazzioni d'Alta Frequenza) - U prucessu subbitu di l'agressioni di dui cumircianti aiaccini sabbatu scorsu s'hè apartu in principiu di dopu meziornu (marti). À l'apartura di l'audienza, a difesa di u privenutu, Sabri Ouerghi, hà dumandatu di più tempu par appruntà u cartulari. Hè stata accittata da a corti. Una dumanda chì hè di dirittu in ssu gennaru di prucedura è chì ùn pudia essa ricusata da u tribunali. Ssu listessu tribunali s'hè ritiratu dopu pà dicida d'imprighjunallu di manera pruvisoria o di cappià u privenutu sottu à cuntrollu ghjudiziariu. Infini, u tribunali hà suvitatu i dumandi di u prucuratori. L'accusatu firmarà dunqua in prighjoni fin'è u so prucessu privistu u 3 di ghjinnaghju. L'avucata di a parti civili hà lampatu una chjama à u calmu è hà dumandatu chì l'aghjenti si n'andessini pianament'è bè. Ramintemi da un'antra banda chì i medichi ani datu à i dui vittimi, u patronu è a so cumpagna, 28 ghjorni d'incapacità tempuraria di travaghju.
Steti à senta à Anna Maria Sollacaro, l'avucata di i cumircianti.
Sur le même sujet
