Affaire de la CORSSAD : le verdict
(A redazzioni d'Alta Frequenza) - Una cundanna è dui abbandoni di carichi. Eccu a dicisioni dopu à u prucessu di a CORSSAD davanti u tribunali currizziunali di Bastia. In u ditagliu, Bernard Giammari, u direttori di a struttura, hè statu cundannatu à 25 000 auri d'amenda pà arrubecciu di soldi publichi. Una cundanna propiu bassa di pettu à i dumandi di u prucuratori di a Republica chì dumandava contr'à ellu quattru annu di prighjoni, 100 000 auri d'amenda è un'interdizzioni difinitiva di gistiscia un'intrapresa publica o privata. A so moglia, Virna Giammari, a direttrici aghjunta di a CORSSAD, è u so babbu, Jean Jacques Giammari, u presidenti di l'associu, ùn ani avutu nisun carica ritinuta contr'à elli.
