Le Direct

Affaire de la CORSSAD : le parquet de Bastia fait appel du jugement

(A redazzioni d'Alta Frequenza) - U prucuratori di Bastia hà dicisu di fà appellu di a dicisioni di ssu ghjovi in u cartulari di a CORSSAD. Ramintemi chì Bernard Giammari, u direttori di a struttura, hè statu cundannatu à 25 000 auri d'amenda pà arrubecciu di soldi publichi. Una cundanna propiu bassa di pettu à i dumandi di u prucuratori di a Republica chì dumandava contr'à ellu quattru annu di prighjoni, 100 000 auri d'amenda è un'interdizzioni difinitiva di gistiscia un'intrapresa publica o privata. A so moglia, Virna Giammari, a direttrici aghjunta di a CORSSAD, è u so babbu, Jean Jacques Giammari, u presidenti di l'associu, ùn ani avutu nisun carica ritinuta contr'à elli. L'affari duvaria essa ghjudicatu torna da a corti d'appellu di Bastia da quì à 12 o 18 mesi.