Affaire Corsica Ferries : Une décision étonnante et pénalisante pour la CdC et l’ensemble des Corses selon le Conseil Exécutif
Photo Corsica Ferries
Ghjovi, Gilles Simeoni hà parlatu à l’Assemblea di a dicisioni llu cunsigliu di statu, par ciò chì tocca à l’affari lla Corsica Ferries.
« Una inghjustizia murali è finanziaria, è unu scandalu puliticu », hà dittu u prisidenti di l’esecutivu parlendu d’issa dicisioni, chì di regula ùn duvaria tuccà issi dui mandati, postu ch’idda si poni à nantu à u periudu 2007-2013.
U cunsigliu esecutivu lla Corsica cunsidarighja ch’issa dicisioni di ghjustizia hè stunanti à veru è ch’idda pinalizighja a Cullittività di Corsica, è i corsi tutti.
À liveddu ghjuridicu, u cunsigliu di statu ùn hà vulsutu u dibattitu di fundu cù l’argumenti dati da a CdC par cuntistà issa cundanna.
Parvia d’issu ricusu, a CdC rifletti cù i so avucata à un’azzioni in ghjustizia, à liveddu lla Cumissioni Aurupeana, hà dittu Gilles Simeoni.
À liveddu suldarinu, i cunsiquenzi d’issa cundanna sò grevi pà a Cullittività di Corsica.
A liveddu puliticu infini, si dumanda, cù issa dicisioni, à a Corsica llu 2021 di pagà i sbagli llu passatu, chì sò d’altrondi supravalutati, dici infini u prisidenti di l’esecutivu, chì no’ stemu à senta.
Sur le même sujet
