Accident mortel de la circulation en Haute-Corse
(A redazzioni d'Alta Frequenza) - Accidenti gravi di a circulazioni eri (vennari) in fin di dopu meziornu, in Balagna, vicinu à u paesi di Ville di Parasu, locu dittu Ficaghjola. Un VAB di u 2u Rep di Calvi, cù cinqui leghjunarii drentu, hè cascatu, pà una raghjò ancu difinita, di 20 m, ind'un carabonu, mentri ch'ellu andavia ver di a basa militaria. Unu di i militarii, 22 anni d'urighjini cruata, lampatu fora da u veiculu, hè mortu. I quattru altri ghjuvanotti, frà i quali dui feriti di modu gravi, sò stati presi in carica à lestra da i servizii di succorsi, chì aviani mandati sopralocu mezi impurtanti. I più tocchi sò stati traspurtati via l'elicotteru Dragon 2B versu l'uspidali di Bastia, mentri chì i dui altri sò stati trasferiti nant'à quillu di Calvi.
Sur le même sujet
