Accident de la route en Balagne : une personne décédée et six autres blessés
(A redazzioni d'Alta Frequenza) - Accidenti gravi nant'à a strada ssu ghjovi versu 2 ori u dopu meziornu, nant'à a Balanina, cumuna di Palasca, cuncirnendu un camiò è dui vitturi. Una donna hè morta dopu à ss'accidenti, mentri chì sei altri parsoni sò stati feriti (cinqui di modu lighjeru è una di manera più gravi chì hè stata traspurtata cù un elicotteru à l'uspidali di Bastia). Parechji mezi sò stati mandati sopralocu. A strada hè stata tagliata guasgi dui ori. I circustanzi esatti di ss'accidenti sò scunnisciuti par avà.
