A-t-on réellement constaté un changement en profondeur du corps électoral corse ?
(A redazzioni d'Alta Frequenza) - A ricumpusizioni di u paisaghju puliticu di a Corsica hè veramenti effettiva, è què ind'a perspettiva di l'alizzioni tarrituriali di u 2015? Si sà chì un'intarrugazioni maiò hè stata posta calchì ghjornu fà da u presidenti di a Republica chì hà annunziatu a pussibilità di rimandà ss'alizzioni. Aspittendu ss'affari, è pocu impremi l'evuluzioni, c'hè calcosa di sicuru, i carti sò stati ridistribuiti in Corsica duranti l'ultimi alizzioni municipali, è avarà ben intesu cunsiquenzi micca solu annant'à l'aurupei da quì à calchì ghjornu, annant'à i senaturiali da quì à calchì sittimana, ma dinò annant'à i tarrituriali chì venini. Calchì ghjornu fà, duranti una cunfarenza di stampa in Bastia, Gilles Simeoni, Ghjuvan Cristofanu Angelini è una parti impurtanti di l'eletti tarrituriali Femu a Corsica sò vultati annant'à parechji tematichi. S’è Bastia, cù l’alizzioni di un’allienza diretta da Gilles Simeoni, hè a più bella riescita, u muvimentu ùn sminteca micca malgradu tuttu a dinamica inde l’altri paesi è cità di Corsica, cù parechji cunsighjeri municipali in più è cità emblematichi duva u partitu hà fattu crescia a so prisenza, com’è Purtivechju o Aiacciu, duva un cunsighjeru municipali vicinu à ssa famighja hà fattu a so intrata ind'u cunsighju municipali. S'hè custatatu daveru un cambiamentu di modu prufondu di l'eletturatu corsu ?
Steti à senta à Ghjuvan Cristofanu Angelini.
Sur le même sujet
