2,2 kg de corail rouge pêchés sans autorisation saisis en Corse-du-Sud
Photo : Préfecture de Corse
(A ridazzioni d'Alta Frequenza) - Dici a prifittura lla Corsica chì i guardia costi lli dugani d’Aiacciu ani cuntrullatu versu Bonifaziu una navi di pesca taliana, ch’avia à bordu 2,2 chilò di curaddu russu, presi senza avè ni u drittu.
A prifittura dici dinò chì parvia di u so sviluppu longu è difficiuli, è di a troppa pesca di tempi fà, a pesca llu curaddu russu hè oramai bedda cuntrullata, ch’idda sichi à liveddu lucali, naziunali o internaziunali.
I piscadori prufiziunali devini avè un’auturisazioni spicifica, da pudè lu piddà in l’acqui tarrituriali à l’inghjiru lla Corsica.
A DDTM llu Pumonti hà dunqua dumandatu u siquestru d’issa pesca for’di legi.