Utilisation des fonds européens : la Corse plutôt bonne élève
(A redazzioni d'Alta Frequenza) - Si senti una certa cuntintezza in Corsica dopu à l’urganisazioni di u cumitatu di seguitu di i fondi aurupei. Ramintemi chì a simana scorsa, una dilegazioni di a Cumissioni aurupea hè ghjunta nant’à l’isula pà custatà sopralocu chì tuttu si passa com’ellu ci voli pà i prugrammi aurupei 2014/2020. Quattru prugrammi aurupei sò cuncirnati : u FEDER di sicuru (u Fondu aurupeu di sviluppu regiunali), u FSE (u Fondu suciali aurupeu), u Fondu Aurupeu pà l’Affari Marittimi è a Pesca, è u FEADER, chì hè in fatti u FEDER cuncirnendu l’agricultura. À u cuntrariu di l’annati scorsi, l’adopru di i fondi aurupei saria intrutu in una spezia di nurmalità, vali à dì chì i prugrammi sò stati piuttostu bè utilizati. Parechji visiti nant’à u tarrenu ani parmissu di custatalla, com’ella a ci dici Marie Antoinette Maupertuis, cunsighjera esecutiva in carica di i rilazioni aurupei è internaziunali.
A stemi à senta.
