Un protocole pour la garantie des droits linguistiques pour renforcer les langues minorisées
(A redazzioni d'Alta Frequenza) - Cunfarenza di stampa ssu marti in u scagnu di u presidenti di l'Assemblea di Corsica à fiancu à i prumutori baschi di u "Protocollu pà a guaranzia di i diritti linguistichi". Si tratta di un ducumentu, fruttu di dibattiti trà sperti di i lingui è di i Diritti di l'Omu, chì prisenta una mansa di misuri pà pudè assicurà a diversità linguistica è guarantiscia i diritti di i cumunità linguistichi. Un protocollu chì hè dighjà statu signatu da ONG numarosi, com'è u cullittivu Parlemu Corsu pà a Corsica. I so prumutori si movini oramai pà prisintallu à i sfarenti stituzioni in Auropa sana. U ducumentu hè dunqua statu ditagliatu ssu marti à l'eletti di a Cumissioni di u sviluppu suciali è culturali di l'Assemblea di Corsica, à i membri di u Cunsighju Ecunomicu, Suciali è Culturali, eppo à quilli di l'Assemblea di a Ghjuventù. Un ducumentu chì ùn hè micca solu simbolicu, ma chì si voli dinò praticu parchì, aldilà di i blucchimi custituziunali inghjinnati da certi misuri, ci n'hè d'altri chì poni essa appiegati subbitu.
Steti à senta à Haizpea Abrisqueta.
Sur le même sujet
