U Rinnovu si ritira à prò di Core in Fronte
(Julien Pernici - Alta Frequenza) - Ssu marcuri, u Rinnovu Naziunali tinia in Bastia a so ultima cunfarenza di stampa. In fatti, vint'anni dopu a so fundazioni, u Rinnovu s'hà da ritirà di manera ufficiali ssa dumenica à prò di Core in Fronte, cù un cungressu fundatori urganizatu in Corti. L'uccasioni d'incalcà torna nant'à i fundamenti chì animarani a struttura nova, chì inde a so maghjurità immensa sarà custituita di l'anziani di u Rinnovu cù ghjunti com'è quilla di u merri di Patrimoniu, Battì Arena. Aldilà di a lotta pà l'emancipazioni di u populu corsu chì firmarà u fundamentu maestru di Core in Fronte, cù nant'à stu sughjettu una lettara chì sarà mandata da quì à calchì ghjornu à Emmanuel Macron, postu chì Jacqueline Gourault, madama Corsica, ùn hà micca u nivellu nicissariu sicondu u Rinnovu, a basa prugrammatica di Core in Fronte sarà soprattuttu suciali è ecunomica. Lotta contr'à a precarità è contr'à a maestria senza spartera di l'ecunumia da certi sarani di gran'primura d'appressu à Paul Félix Benedetti.
U stemi à senta.
Sur le même sujet
