Trois députés nationalistes corses à l'Assemblée nationale : et maintenant ?
(A redazzioni d'Alta Frequenza) - Storicu ! A parolla hè in bocca à tutti dipoi ssa dumenica à sera, dopu à l'alizzioni di trè diputati naziunalisti chì sarani prisenti à partasi di u 27 di ghjunghju è duranti cinqui anni à l'Assemblea naziunali. Colombani, Acquaviva, Castellani : un tiersé vincidori pà Pè a Corsica chì, dopu à ssi legislativi, assicureghja torna di più a so duminazioni in u paisaghju puliticu isulanu. Una citadella chì si n'hè falata, quilla di Purtivechju, un tarritoriu induva a famighja Giacobbi hè stata duranti un pezzu regina à più pudè chì hè cascatu da un'antra parti, Corti è Balagna, eppo una cità chì dici torna a so brama di cambiamentu dipoi marzu di u 2014, Bastia : i naziunalisti raprisentani bè a prima forza pulitica di l'isula, senza ch'ellu ci sighi bisognu di rilativizà ssu discorsu ancu s'è l'astenzioni hè stata torna impurtanti ssa dumenica. Un muvimentu naziunali chì si rinforza, partiti ditti tradiziunali sfiatati, una dimarchja "Macronista" chì ùn faci tantu ricetta in Corsica : u distinu hè podassi in marchja, à sei mesi d'un'alizzioni nova è impurtantissima, a tarrituriali chì ogni famighja vularà appruntà com'ellu ci voli pà spirà di pudè ghjunghja à u puteri di a futura Cullittività di Corsica. Aspittendu tuttu què, chì sarà u rolu di i trè diputati naziunalisti in Parighji è cù quali ?
I spiecazioni di u politologu Andria Fazi.
