Le Direct

Trafic de drogue international : dix personnes mises en examen en Haute-Corse

(A ridazzioni d'Alta Frequenza) - Dopu à i perquisizioni fatti in Balagna è in Corscia in u quadru d’un trafficu internaziunali di droga, hà annunciatu Caroline Tharot, a prucurattrici lla ripublica di Bastia, chì dicessetti parsoni sò stati missi in guardia à vista. Trà quissi, deci omini, da vinticinqui à quarant’anni, sò stati missi in asaminu pà « associu di malfattori fattu da urganizà un trafficu di droga ». Novi sò stati missi in prighjoni in tantu d’essa ghjudicati. Dui altri duvariani essa prisintati à u ghjudici da quì à pocu, chì ci hè un mandatu d’arrestu aurupeanu contru ad iddi. A inchiesta, chì curri da u 2015, hà pirmissu di cunfirmà un trafficu di canapu indianu è di cuccaina trà a Corsica, a francia è a spagna.  In Ispagna, ghjustamenti, sò stati trovi dui lochi di pruduzzioni cù 600 pedi è più di canapu, 500 grammi di canapu prontu à venda è 23 000 € di liquidità. Cuntatu tuttu, ci ni saria pà più di 100 000€. In Corsica, cù i perquisizioni, sò stati colti armi è cartucci