Info corse   L'actu  Ricusu di l'ubligazioni FIJAIT di Jean Marc Dominici : a sintenza cumunicata u 21 di nuvembri

Ricusu di l'ubligazioni FIJAIT di Jean Marc Dominici : a sintenza cumunicata u 21 di nuvembri

Publié le 12/10/2017, 08h28

(Julien Pernici - Alta Frequenza) - Un affari di principiu. Eccu com'ellu si pò riassuma u passaghju davanti a ghjustizia di Jean Marc Dominici, militanti naziunalistu chì hà ricusatu di rispittà l'ubligazioni di a so scrizzioni à u FIJAIT. Parchì ind'è u ministeru publicu, chì hà dumandatu 500 auri d'amenda senza cundanna à a prighjoni, ma dinò ind'è a difesa di Jean Marc Dominici, chì dumanda ch'ellu sighi assoltu, hè piuttostu u cuntestu di a scrizzioni à u FIJAIT chì hà duminatu. Una scrizzioni impussibuli ad accittà pà maestru Eric Barbolosi, l'avucatu di a difesa, è soprattuttu d'appressu à ellu chì hè nulla par via di a so nutificazioni, chì di pettu à u so carattaru micca esattu ùn hà micca datu à u so clienti i mezi legali di cuntistalla. U fattu ch'ellu sighi assoltu ùn faci micca dubbitu pà maestru Barbolosi, chì si riserva tutti i pussibilità d'appellu s'ella ci duvia essa una dicisioni cuntraria u 21 di nuvembri, a data di a cumunicazioni di a sintenza.

Steti à senta à Eric Barbolosi.