Ressources en eau en Corse : la situation est tendue
(A redazzioni d'Alta Frequenza) - L'Uffiziu Idrolicu di a Corsica facia u puntu vennari nant'à a situazioni di a risorsa d'acqua in Corsica. Ed hè cumplicata. In fatti, in certi rughjoni, com'è a parti suttanaccia di u latu urientali di l'isula, i matrali sò à u nivellu di u 2003, annata di sulleoni, cù una cunsumazioni chì inchieta. Nant'à a piaghja urientali, s'è cù 59% d'acqua ind'i matrali, a situazioni hè più bona di deci punti di pettu à u 2003, sò i nivelli di cunsumazioni chì, quì dinò, inchietani assai l'autorità, cù una crescita maiò di 35% di a cunsumazioni d'acqua di pettu à annu. À tal puntu chì c'hè un timori di veda rumpituri d'alimentazioni à a mità di sittembri pà l'acqua agricula ind'u peghju di i scenarii pà a piaghja urientali. Torna, i particulari, l'agricultori è i cullittività sò chjamati à ghjuvassi di l'acqua d'una manera rispunsevuli.
Steti à senta à Saveriu Luciani, u presidenti di l'OEHC.
Sur le même sujet
