Rencontre Jacqueline Gourault et élus corses : Jean-Félix Acquaviva veut demeurer prudent mais mobilisé
(A redazzioni d'Alta Frequenza) - Ghjuvan Filici Acquaviva voli firmà prudenti ma dinò mubilizatu. Dopu a riunioni cù Jacqueline Gourault, u diputatu di u sicondu circondu di Corsica Suprana stima chì a riunioni cù a ministra hè stata abbastanza custruttiva, ancu s'è sumigli d'avanzati cù u guvernu prima à ss'appuntamentu dumandani di fà casu. Malgradu tuttu, l'elettu di a maghjurità tarrituriali cunsidareghja chì ssu prima scontru hà lacatu spuntà a pussibilità di caccià i tinsioni inghjiru à l'articuli, pà truvà u mezu ghjustu. Pà Ghjuvan Filici Acquaviva, u statutu attuali di a Corsica ùn viaghja micca, è l'affari sariani aparti nant'à a forma. L'intratteni chì venini duvariani essa dicisivi pà cunfirmà ssa vulintà, chì ci hà da vulè à metta in pratica dopu, micca cù una brama d'egemunia ma pà arricà risposti cuncreti à a Corsica, hà dittu Ghjuvan Filici Acquaviva.
Steti à senta à Ghjuvan Filici Acquaviva.
Sur le même sujet
