Le Direct

Référendum en Nouvelle-Calédonie : le FLNKS à l'assemblée de Corse

(A ridazzioni d'Alta Frequenza) - Ci sarà u 4 di Nuvembri, in ciò chì certi chjamani Canacchia è d’altri Nova Calidonia, un rifarendu à u sughjettu lla suvranità di iss’arcipelagu d’Uciania. Una diligazioni llu Fronti di Libarazioni Naziunali Canaccu è Sucialistu si hè impignata in uni pochi di scontri internaziunali, spicialmenti in Auropa. Dopu essa passata in Barcilona è Parigi, a diligazioni canacca hè stata ricivuta, ghjovi, da u prisidenti di l’assemblea di Corsica. Hà scontru i prisidenti lli gruppi di l’assemblea è i membri llu CESEC. Issu rifarendu hè u primu mumentu d’un ciculu longu, fattu di trè cunsultazioni cù sfarenti corpi alitturali . Innanzi d’entra in li particulari d’issu prucessu, bisogn’à sapè ch’unu studiu d’upinioni, in l’eletturatu canaccu, privedi una larga vittoria di a indipindenza : 47 % à favori, 24 % d’upposti è 23 % d’indicisi. Comu parcipì è analizà l’affari da a Corsica

Steti à senta ciò ch’iddu ni pensa u prisidenti di l’assemblea, Jean-Guy Talamoni