Le Direct

Questionnaire sur la diversité : mise au point du Recteur de Corse

(A redazzioni d'Alta Frequenza) - Principià un tempu veru di cuncertazioni è ghjirà u spinu à qualsiasi pulemica chì pudaria avè cunsiquenzi pessimi nant'à a maghjina di a Corsica ! Eccu a brama di u Rettori d'accademia dopu à l'indegnazioni inghjinnata da un quistiunariu nant'à a diversità cumandatu à l'Università di Corsica da u presidenti di l'Assemblea di Corsica, Ghjuvan Guidu Talamoni è distinatu à i capi stabilimenti di l'isula par essa distribuitu dopu à i sculari. Un quistiunariu anonimu, induva parechji intarrugazioni sò posti frà altru nant'à i pratichi linguistichi o rilighjosi ind'i famighji di Corsica. A squadra di circadori di a Scola Superiori di u Prufissuratu è di l'Edcazioni, à quali hè stata cunfidata ss'inchiesta, "hà elaburatu un protocollu scentificu chì hè statu validatu subbitu da u Retturatu d'accademia", dici Ghjuvan Guidu Talamoni in un cumunicatu. Sicondu u Rettori, u principiu di ssu studiu "ùn hè statu validatu mancu appena".

Steti à senta à Philippe Lacombe.