Questionnaire sur la diversité : l’ensemble du processus de mise en œuvre suspendu
(A redazzioni d'Alta Frequenza) - Dopu a pulemica inghjinnata da un quistiunariu nant'à a diversità cumundatu à l'Università di Corsica da u presidenti di l'Assemblea di Corsica, Ghjuvan Guidu Talamoni è distinatu à i capi stabilimenti di l'isula par essa distribuitu dopu à i sculari, c'hè stata una riunioni ssu luni trà u Rettori d'Accademia, u presidenti di l'Università di Corsica, a direttrici di l'ESPE di Corsica è l'insignanti circadori in carica di ss'inchiesta. In un cumunicatu cumunu, i sfarenti parti ani annunziatu chì hè stata dicisa di suspenda tuttu u prucedimentu di missa in opara. "Un cumitatu scentificu cumpostu di sperti indipindenti è chì pudissini guarantiscia a cunfurmità scentifica, diuntulogica è ghjuridica eppo un cumitatu di pilutaghju apartu à i sfarenti stituzioni cuncirnati pudarani essa custituiti più tardi", hè pricisata più luntanu. "L'Università è l'ESPE volini chì una riflessioni sirena è ubbiettiva nant'à a diversità culturali pudissi essa purtata. U "campà insemi" hè una priurità naziunali è accademica pà tutti l'insignanti", compiini i sfarenti parti.
