Procès des gîtes ruraux : l'association ANTICOR partie civile
(A redazzioni d'Alta Frequenza) - S’apri ssu marcuri u terzu ghjornu di u prucessu di l’alloghji campagnoli in u Tribunali Currizziunali di Bastia, cù a seguita è a fini di u passaghju à a barra di i benefiziari di ssi suvvenzioni di u Cunsighju Generali di Corsica Suprana in u 2007 è u 2010. Un prucessu chì dimostra fin’è oghji cartulari di suvvenzioni micca cumpletti o ancu mancu appena cumpletti passendu i vintidui tappi di verificazioni amministrativa senza pinseru par via di mancanzi maiò ind’i meccanisimi amministrativi di cuntrollu, o ancu l’assenza cumpletta di cuntrollu. I secretarii in carica di ssi verificazioni accertani pà contu soiu ch’ella era impussibuli d’andà contr’à l’ordini di a so ierarchia. In ssu prucessu, u Cunsighju Dipartimintali di Corsica Suprana s’hè custituitu parti civili, ma dinò l’associu contr’à a curruzzioni ANTICOR chì vedi in ssu prucessu u primu veru prucessu puliticu è finanziariu in Corsica è l’uccasioni di dimustrà un sistema qualificatu di clientelistu.
Steti à senta à maestru Jérôme Karsenti pà ANTICOR.
Sur le même sujet
