Paiement de l’indemnité compensatoire de handicap naturel : Mossa Paisana mobilisée
(A redazzioni d'Alta Frequenza) - U sindicatu Mossa Paisana s'hè adunitu ssu luni da mani davanti i casali di l'Uffiziu di u Sviluppu Agriculu è Rurali di Corsica in Aiacciu. Faci sapè torna a so scuntintezza cuncirnendu u cartulari di l'ICHN, l'indennità cumpensativa di handicap naturali, chì l'agricultori corsi ùn sò ancu à tuccà dipoi più di 18 mesi, ciò chì inghjenna di fattu prublemi di tisuraria. Mossa Paisana lampa una chjama publica à l'ODARC pà pruvà à scioglia ssa situazioni ghjunghjendu à un prucedimentu più lindu inde a struzzioni di i cartulari ODARC, ma dinò à u Statu è soprattuttu à a direzzioni dipartimintali di i tarritorii è di u mari par uttena una descrizzioni di a situazioni d'ogni agricultori, cù l'aiuti ch'ellu pò riceva è una chjarificazioni di u "millifogli amministrativu".
Steti à senta à Bernard Antoine Acquaviva, u presidenti di u sindicatu agriculu Mossa Paisana.
Sur le même sujet
