Municipales 2014: la stratégie de Femu a Corsica et de Gilles Simeoni
(A redazzioni d'Alta Frequenza) - L'affari si movini di più in più dipoi ss'ultimi ghjorni pà ciò chì tocca i dichjarazioni di candidaturi à i municipali di u 2014, i riintrati pulitichi di i sfarenti partiti avendu ind'i so priurità pà 2013-2014 ssu cartulari di un mumentu eletturali maiò. Parechji cità di Corsica duvariani cunnoscia stondi appassiunati più cà altri, com'è par asempiu Bastia, duva a campagna hè dighjà lanciata, malgradu ciò chì pò essa dittu. Municipali chì si scrivini ind'una sequenza pulitica ditarminanti pà l'isula, cù a perspettiva di una revisioni custituziunali, inghjochi dicisivi com'è u sviluppu ecunomicu, u suciali, l'accessu à a pruprietà è à l'alloghju, l'Arresti Miot, o ancu à u nivellu più eletturali l'alizzioni tarrituriali di u 2015. Ancu s'ellu ùn hè ancu candidatu di Bastia ufficialmenti, ùn ci hè nisun dubbitu nant'à a participazioni di Gilles Simeoni, unu di i leaders di Femu a Corsica, à u scrutinu di u mesi di marzu. Un sundami misteriosu, publicatu in fini di settimana scorsa, u metti ancu in testa di i voti à u primu ghjiru, cù una bella avanza di pettu à u so avversariu numaru unu, Jean Zuccarelli.
Stratégie globale puis locale pour ces élections municipales avec Gilles Simeoni.
Sur le même sujet
