Municipales 2014 à Bastia : Jean Zuccarelli à la tête d'un front PRG - PCF
(A redazzioni d'Alta Frequenza) - Ssu marcuri in Bastia c'era a prisintazioni di a candidatura di Jean Zuccarelli à i municipali. À fiancu à ellu, u so primu aghjuntu in casu di vittoria, Francis Riolacci, ma dinò u merri attuali Emile Zuccarelli, Ange Rovere, Alex Alessandrini pà u Partitu Radicali di Manca è Michel Stefani pà u Partitu Cumunistu. Ssu partenariatu storicu è mai cambiatu dipoi u 1968 hè fieru di u so bilanciu è si prisenta com'è una forza di prugressu, vulendu cuntinuà i so azzioni ma dinò i so prughjetti com'è u portu di a Carbonite essendu u puntu maiò di u prughjettu chì veni. L'uccasioni dinò di pricisà chì s'è, pà l'allianza, Emmanuelle de Gentili hà sceltu a divisioni, a porta saria aparta à un ritornu pussibuli di a presidenti di a federazioni PS di Corsica Suprana, o ancu ind'u casu u più stremu à François Tatti pà u sicondu ghjiru, in casu di nicissità impurtantissima ind'u quadru di una vittoria à u sicondu ghjiru. Infini, senza dì u so nomu, Jean Zuccarelli, sustinutu da i so cumpagni, hà fattu falà calchì cutrata nant'à Gilles Simeoni, qualifichendu a forza ch'ellu raprisenta, par asempiu, di "passatista".
Steti à senta à Jean Zuccarelli.
Sur le même sujet
