Les guides conférenciers et les accompagnateurs de montagne sont en colère
(A redazzioni d'Alta Frequenza) - Impieghi in periculu, svalutazioni di u mistieru è impussibilità di furmassi, eccu i rimprovari avanzati da i guidi di cunfarenzi è da l'accumpagnadori in muntagna. Un cartulari chì sarà purtatu davanti à l'assemblea di Corsica da Ghjuvan Maria Poli chì punarà una muzioni. Prima, ssa muzioni dumanda di più cuntrolli è chì i guidi di cunfarenzi ritruvessini autorità annant'à tuttu u tarritoriu corsu è micca solu ind'i munumenti storichi, com'ellu hè u casu in ssu mumentu, ciò chì inghjenna casi induva guidi micca diplumati facini ssu travaghju senza a pricisioni è u sapè di i guidi di cunfarenzi, casi di cunduttori guidi essendu ancu stati censati. Dopu, cuncirnendu l'accumpagnadori in muntagna, di primura pà i parsoni chì facini spassighjati è chì ùn volini micca cunnoscia situazioni pessimi, a criazioni in urghjenza di un brivettu tarrituriali d'accumpagnadori in muntagna hè dumandata, postu chì un dicretu cintralizeghja oramai ssa furmazioni ind'u Jura, ciò chì faci ch'ellu hè impussibuli pà i corsi di fà ssa furmazioni, s'elli ùn ani micca abbastanza soldi. Una situazioni chì metti pà daveru in periculu l'avvena di ssa filiera in Corsica, chì t'hà 250 accumpagnadori, mentri chì più di centu guidi di cunfarenzi travaghjani in Corsica.
Steti à senta à Isabelle Florès, a presidenti di a Federazioni Corsa di i Guidi Intarpreti.
Sur le même sujet
