Le Direct

Le PNC appelle à l'union des composantes de la majorité territoriale dès le premier tour des municipales

(A Ridazzioni d'Alta Frequenza) - Un annu innanzi à i municipali, u PNC si faci antivistu, è annuncia a so pusizioni pulitica. U partitu di Jean-Christophe Angelini ni chjama ufficialmenti i so associ lla maiurità tarrituriali, vali à dì Femu a Corsica è Corsica Libara, à attaccà uniti u primu ghjiru lli municipali. Una chjama chì s’affacca à un mumentu ch’iddi sò tesi, è sò parichji mesa avali, i rilazioni trà i trè partiti. Issi tinsioni pudariani tuccà a quistioni lli municipali, masimu in Bastia è in Aiacciu. In Bastia, a cità a tenini dighjà i naziunalisti, quiddi di Femu a Corsica, in associu cù eletti di dritta è di manca. U pinseri, hè chì u PNC ùn n’hà, riprisintenti, è chì, in u 2014, Corsica Libara ùn era stata accolta in st’andatura.. Vali à dì chì hà da essa difficiuli di mantena a spartera chì faci a squadra attuali, assucendu ci ghjenti di Corsica Libara è di u PNC. In Aiacciu, Jean-François Casalta, à nomu llu PNC, s’hè dighjà fattu cunnoscia da candidatu. Ma ci pudaria ancu essa Paul Leonetti, par Corsica Libara, o ancu Jean-André Miniconi, par Femu a Corsica. Ùn sarà dunqua cusì asatta à fà, iss’unioni, à u primu ghjiru. Ma par Jean-Christophe Angelini, hè una nicissità.
U stemu à senta