Le Direct

L'inquiétude du Rinnovu face à la possible arrivée de Grand Frais à Bastia

(A redazzioni d'Alta Frequenza) - U Rinnovu hà urganizatu ssu ghjovi una cunfarenza di stampa in Bastia pà dinunzià a ghjunta pussibuli è da quì à pocu di un magazenu di l'insegna Grand Frais ind'a zona d'attività ecunomichi d'Erbaghjolu, prima petra d'un prughjettu chì pudaria veda quattru magazeni di l'insegna apra in Corsica. Ssu magazenu saria custituitu di un marcatu di 999 m2 pà vendaci prudutti freschi, com'è frutti è ligumi o ancu a carri, u pesciu o u casgiu, pà un prughjettu di una superficia tutali di 10 000 m2 s'è no aghjustemi u parking è a futura zona cummiriciali. Un prughjettu purtatu da u gruppu internaziunali Ardian, cù u nomu U Mercà. Ssu prughjettu custituisci un'agressioni contr'à i cummircianti bastiacci sicondu U Rinnovu chì chjama a CAB à vultà nant'à a so autorisazioni vutata d'uttrovi scorsu pà a vendita di ssi tarreni da a SEM Bastia Aménagement, è a Cummissioni Dipartimintali d'Accunciamentu Cummirciali ad adunisciasi u più prestu pussibuli par impatrunisciasi di u cartulari.

Steti à senta à Paul Félix Benedetti pà U Rinnovu.